Valkyrjurnar unnu sögulegan sigur og eru NBA meistarar

Golden State Valkyries og Atlanta Dream mættust í oddaleik í úrslitaeinvíginu um NBA-meistaratitil kvenna í körfubolta í nótt. Þetta er í fyrsta sinn sem úrslitaeinvígi kvenna fer í oddaleik. Atlanta hafði komist 2-1 yfir í einvíginu eftir fyrstu þrjá leikina en því svaraði Golden State með tveimur sigurleikjum í röð. Atlanta vann sjötta leikinn og því þurfti oddaleik. Jafnræði var meðal liðanna í fyrsta leiklhluta en Veronica Burton sá til þess að Golden State leiddi að honum loknum, 12-14. Atlanta náði þó forystunni í öðrum leikhluta og leiddi í hálfleik, 30-24.

Atlanta leiddi mest með níu stigum í þriðja leikhluta, 37-28. Þá svaraði Golden State með góðri syrpu og Gabby Williams kom liðinu yfir fyrir lok þriðja leikhluta, 44-45. Williams með dýrmæta þriggja stiga körfu Í fjórða leikhluta tókst hvorugu liðinu að slíta sig frá hinu og liðin skiptust á að skora stig. Allt var jafnt í stöðunni 57-57 þegar þrjár mínútur lifðu leiks. Þá setti Williams niður þriggja stiga skot og áður en langt um leið leiddi Golden State, 57-64. Það forskot reyndist afar dýrmætt því illa gekk hjá Atlanta að minnka muninn. Loks landaði Golden State fimm stiga…