Feðgar í haldi vegna rannsóknar á manndrápi

Íslenskur maður á fertugsaldri og faðir hans eru á meðal þriggja sem eru í haldi í tengslum við rannsókn á manndrápi í Breiðholti í nótt, samkvæmt heimildum fréttastofu. Sonurinn er talinn hafa beitt hnífi í átökum við tvo menn. Sá sem lifði árásina af er mikið særður og á gjörgæsludeild.

Hnífurinn er enn ófundinn, eftir því sem heimildir fréttastofu herma. Samkvæmt upplýsingum fréttastofu eru feðgarnir jafnframt báðir með áverka en mismikla. Faðirinn er tæplega sextugur. Ekki liggur fyrir hver aðkoma hans var. Fram kom í tilkynningu lögreglu fyrir hádegi að þrír væru í haldi vegna málsins en fréttastofa hefur ekki upplýsingar um…