TV 2 Sport: Jana Mittún skiftir til Nykøbing Falster

Jana Mittún hevur gjørt trý ára avtalu við Nykøbing Falster í bestu donsku deildini, skrivar TV 2 Sport. Fyri kortum varð greitt, at Nykøbing Falster ikki leingir sáttmálan hjá væl dámdu Kristinu "Mulle" Kristiansen, ið hevur røkt spælskiparaplássið í meir enn 10 ár. Sambært donsku rásini verður føroyski bakspælarin avloysarin í bakketuni hjá NFH næsta ár.

Føroyska landsliðsstjørnarn skifti til Viborg úr H71 fyri trimum árum síðan og er júst farin í gongd við fjórða kappingarárið í jútska felagnum. Liðið er batna munandi hesi árini, men tað hevur verið torført hjá Janu Mittún og teimum at vinna seg upp ímillum fýra tey bestu; Odense, Esbjerg, Ikast og NFH. Ein annar føroyskur landsliðsspælari, Marita Mortensen, spælir í NFH í løtuni. Undirheiti: Jana Mittún fer úr Viborg, og skal loysa av fyri Kristinu "Mulle" Kristiansen…