Zelensky: USA vil hava Ukraina og Russland til samráðingarborðið

Forsetin í Ukraina, Volodymyr Zelensky, sigur, at USA vil hava Ukraina og Russland til samráðingarborðið at tosa um friðarsamráðingar, og tað skal verða síðst í hesum mánaðinum. - USA hevur í løtuni samband við Ukraina og Russland, og mælir til fund á tøkniligum stigi millum USA, Ukraina og Russland seinast í oktober, segði Zelensky í gjárkvøldið. Hann segði seg hava tosað við amerikonsku semingsmenninar leygardagin. - Eg váttaði fyri teimum, at vit eru til reiðar og taka undir við hesi skrá.

Ógreitt hvar samráðingarnar vera Ukrainski forsetin nevndi ikki, hvar samráðingarnar vera, men segði, at Ukraina var "opið fyri Sameindu Arabisku Emiratunum ella øðrum landi, sum USA mælir til. ” Emiratini hava áður verið vertur fyri samráðingum, sum USA hevur staðið á odda fyri. Tær skuldu fáa enda á russisku innrásini. Russland segði í síðsta mánaði, at trílandasamráðingar um at enda kríggið kunnu vera í oktober. - Vit útihýsa ikki slíkum møguleika, segði talsmaðurin hjá Kreml, Dmitrij Peskov, tá tað varð kunngjørt, sambært russisku tíðindastovunum…