Yngsti heimsmeistari í sögu Formúlu 1

Kimi Antonelli varð í kvöld yngsti heimsmeistarinn í sögu Formúlu 1-kappakstursins. Hann er einungis 20 ára gamall og keyrir fyrir Mercedes. Ljóst var fyrir keppnina að Antonelli þyrfti aðeins tvö stig til að verða heimsmeistari, sem sagt lenda í níunda sæti eða ofar. Hann fór létt með það því hann endaði þriðji og fagnaði sínum fyrsta heimsmeistaratitli þrátt fyrir að fjórar keppnir væru eftir af tímabilinu. Lewis Hamilton hjá Ferrari byrjaði á ráspól.

Antonelli byrjaði fimmti og byrjaði af krafti og leiddi um stund. Hann fór í pitt á 44. hring og kom út í fjórða sæti, 12,4 sekúndum á eftir Hamilton sem leiddi. Valetteri Bottas á Cadilac lenti í bilun á 46. hring og þurfti að endurræsa þegar búið var að eiga við hana. Antonelli ræsti fjórði og vann sig fljótlega upp í þriðja og hélt því allt til leiksloka. Max Verstappen kom fyrstur í mark en þriðja sætið skilaði Antonelli 15 stigum sem dugði til og hann er orðinn heimsmeistari. Þetta er í fyrsta…