Valið í Svøríki: Uppteljingin verður liðug hósdagin

Uppteljingin av atkvøðum á valinum til svenska Ríksdagin verður ikki liðug og úrslitið tí ikki greitt, fyrr enn hósdagin. Tí boðar svenski valmyndugleikin frá. Talan er um brævatkvøðurnar og atkvøðurnar frá svium, sum vóru staddir úti í heimi valdagin, sum ikki allar eru latnar valmyndugleikanum enn. 300. 000 atkvøður - Vit vænta fleiri atkvøður í ár enn á undanfarnum valum.

Vit vita ikki frammanundan, hvussu nógvar atkvøður verða, men meta, at tað verða um 300. 000 atkvøður á hesum valinum, sigur Anna Nyqvist, leiðari fyri svenska valmyndugleikan, í tíðindaskrivi. Hetta merkir, sambært Nyqvist, at endaliga uppteljingin í nógvum kommunum fer at taka longri tíð, enn upprunaliga væntað, og at fyribils valúrslitið ikki kann kunngerast fyri Ríkisdegnum fyrr enn hósdagin. Undirheiti: Talan er um brævatkvøðurnar og…