Vørn verður við í hernaðarvenjingum

Vørn verður við í hernaðarvenjingunum í Vestmannasundi næstu vikurnar, sjálvt um bæði Brimil og Tjaldrið liggja í løtuni. Annað skip er funnið til høvið, og tað er uppsjóvarskipið Vestmenningur. Í gjár sendi Vestmanna kommuna kunning út um, at økt virksemi verður á havnarøkinum í Vestmanna í sambandi við hernaðarvenjingina Lion Protector 2026. Rætting kl. 16.

45 Vit hava eina rætting frá Uttanríkis- og fiskimálaráðnum í sambandi við hernaðarvenjingina í Vestmannasundi næstu vikurnar. Í tíðindunum á middegi í dag segði Bárður á Steig Nielsen, landsstýrismaður í uttanríkismálum, í samrøðu við útvarpið, at fiskiskipið Vestmenningur skuldi leigast í samband við, at bæði føroysku verjuskipini, Brimil og Tjaldrið, liggja fyri tíðina. Tað er ikki rætt. Nú er upplýst, at tað er danska verjan, sum skal leiga eitt skip, og Vestmenningur er eitt av skipunum, sum hevur verið nevnt. So vítt, sum Uttanríkis- og fiskimálaráðið veit, so er eingin avtala gjørd enn,…