Tveir fórust í sprengingu í vatnsaflsvirkjun

Tveir fórust í sprengingu í vatnsaflsvirkjun í Sviss í dag, að sögn lögregluyfirvalda. Virkjunin er í þorpinu Piotta í suðurhluta landsins og sprengingin varð þegar eldur kviknaði.

Mennirnir, sem voru starfsmenn virkjunarinnar, létust af sárum sínum. Annar maðurinn var 55 ára og hinn 18 ára, báðir Svisslendingar. Sprengingin olli miklum skemmdum. Orsök og aðstæður eru í rannsókn.