Trump ætlar ekki að ávarpa fleiri kosningafundi Repúblikana í eigin persónu

Donald Trump Bandaríkjaforseti ætlar ekki að mæta í eigin persónu á fleiri kosningafundi Repúblikanaflokksins eftir kvöldið í kvöld, heldur ætlar hann að ávarpa mannfjöldann gegnum fjarfundarbúnað. Með þessu er talið að flokkurinn vilji freista þess að ná til fleiri kjósenda síðustu sólarhringana fyrir þingkosningar á þriðjudag en með því að forsetinn þeytist milli fundarstaða.

Trump hyggst þó ávarpa kosningasamkomu á Daytona-strönd í Flórída í kvöld. Forsetinn hóf mikla yfirferð um landið snemma í október með það markmið að auka möguleika á sigri Repúblikana í kosningunum. Bandarískir miðlar segja að löng ferðalög og mikil ræðuhöld séu tekin að taka sinn toll af heilsu forsetans sem varð áttræður í sumar. Meðal annars hefur hann mismælt sig talsvert, gefið frá sér undarleg hljóð og röddin orðið hás. Aðspurður sagði hann hæsina vera vegna…