Tate-bræður fá ekki lausn gegn tryggingu

Beiðni bræðranna Andrews og Tristans Tate um lausn úr fangelsi gegn tryggingu var hafnað í gær. Alríkisdómari í Miami í Flórída úrskurðaði að þeir gætu ógnað öryggi almennings ef þeim yrði sleppt lausum og hætta væri á að þeir myndu reyna að flýja.

Tate-bræður voru handteknir í Miami og settir í fangelsi 18. júlí. Þeir eru meðal annars ákærðir fyrir mansal í Rúmeníu og nauðganir og kynferðisafbrot í Bretlandi. Bresk stjórnvöld hafa 60 daga frá handtöku til að fara fram á framsal á Tate-bræðrum og sá frestur rennur út 16. september.…