Sýndaröryggisbíllinn stöðvaði Norris og Antonelli vann

Kimi Antontelli vann spænska kappaksturinn í Madríd í Formúlu 1 í dag. Þetta var fyrsti kappaksturinn á nýju brautinni í Madríd. Lando Norris var með gott forskot í upphafi en það hvarf eftir að sýndaröryggisbíll fór illa með hann. Antonelli sjálfur viðurkenndi í viðtali eftir kappaksturinn að sigurtilfinningin væri súrsæt þar sem að Norris hefði átt sigurinn skilið. Norris kvartaði undan reglunum og kallaði eftir breytingum.

Þetta var áttundi sigur Antonelli á tímabilinu sem er nú með 81 stigs forskot á George Russell í keppni ökuþóra. Lando Norris byrjaði á ráspól og náði góðu forskoti en á 15. hring lenti Lance Stroll í vandræðum með bíl sinn. Því var sýndaröryggisbíll (e. virtual safety car) settur af stað sem setti strik í reikninginn fyrir Norris. Norris var kominn fram hjá þjónustusvæðinu þegar sýndaröryggisbíllinn var settur á. Því gátu keppinautar hans Antonelli og Verstappen farið öruggir með tíma sinn inn á þjónustusvæðið en Norris þurfti að fara…