Slitu blaðamannafundi Heimis vegna hegðunar blaðamanns frá Ísrael

Írland og Ísrael mætast í Serbíu á morgun í B-deild Þjóðadeildar karla í fótbolta. Mikið hefur gengið á í aðdraganda beggja leikja liðanna í Þjóðadeildinni og í dag sauð upp úr á blaðamannafundi hjá Heimi Hallgrímssyni sem er landsliðsþjálfari Íra. Atvikið má sjá hér neðar í fréttinni. Leikurinn telst heimaleikur Íra en írska knattspyrnusambandið, FAI, ákvað að færa hann frá Írlandi vegna öryggis- og skipulagsáskorana sem sambandið taldi geta haft áhrif á framkvæmd leiksins. Leikið verður fyrir luktum dyrum á TSC Arena í Backa Tapola í Serbíu. Mikil andstaða hefur verið á Írlandi við að landsliðið leiki gegn Ísrael vegna stríðsins á Gaza og hafa mótmæli fylgt leikjum Íra að undanförnu. Heimaleikur Írlands gegn Austurríki sl. fimmtudag var meðal annars stöðvaður tímabundið þegar mótmælendur köstuðu tennisboltum með palestínska fánanum inn á völlinn.

Mikil spenna á blaðamannafundi Heimis Spennan var einnig greinileg á blaðamannafundi Heimis í Serbíu í dag. Heimir hafði í rúmar ellefu mínútur svarað spurningum fjölmiðla, meðal annars um leikinn, mikið álag á leikmenn í þessum landsleikjaglugga og 2-2 jafnteflið við Austurríki á fimmtudag, þegar umræðan snerist. Einn blaðamaður reyndi meðal annars að fá Heimi til að tjá sig um atvik sem varð á miðvikudag í flugi frá Dubai til Tel Aviv. Þar réðst aðstoðarflugmaður á flugmann vélarinnar en farþegum tókst að yfirbuga árásarmanninn og ná stjórn á aðstæðum um borð. Ísraelsk yfirvöld telja árásina tilraun til hryðjuverks. Ásakanir ganga á víxl um kynþáttaníð Svo bar á góma rannsókn vegna ásakana um kynþáttaníð í tengslum við fyrri leik Írlands og Ísraels í Þjóðadeildinni sem Írar unnu 3-0 um síðustu helgi. Írska knattspyrnusambandið rannsakar ásakanir um að Adam Idah, framherji Írlands, hafi orðið fyrir kynþáttaníði af hálfu…