Serbar minnast slyssins sem hratt mótmælaöldunni af stað

Búist er við að þúsundir Serba komi saman á minningarathöfn í Novi Sad, næst stærstu borg landsins í dag. Fyrsta nóvember fyrir tveimur árum hrundi steypt þak lestarstöðvar í borginni með þeim afleiðingum að 16 manns létust, þar á meðal tvær systur sem voru aðeins sex og tíu ára gamlar.

Slysið varð kveikjan að miklum mótmælum gegn ríkjandi stjórnvöldum og leiddi það að endingu til falls hægriflokksins sem fór lengi með völd í landinu og var leiddur af forsetanum Alexander Vučić. Neistinn sem kveikti bálið Eftir slysið vöknuðu margar spurningar um kostnaðarsamar endurbætur á lestarstöðinni og háværar kröfur voru gerðar um gagnsæja rannsókn á tildrögum slyssins. Hundruð þúsunda mótmæltu á götum úti og má að mörgu leyti segja að sú hreyfing, sem óx fiskur um hrygg á næstu mánuðum, hafi leitt til stórsigurs stúdentahreyfingarinnar í nýafstöðnum kosningum í landinu. Framboðslisti sem studdur var af stúdentum…