Sér fyrir sér sérstakan viðburð í Bónus fyrir konur með tíðahvörf

Yfir 65 þúsund manns eru orðnir meðlimir í vildarkerfi Haga, Takk. Sesselía Birgisdóttir er forstöðumaður viðskiptavildar, upplifunar og miðlunar hjá Högum og segir vildarkerfið nauðsynlegt, þetta sé krafa nútímans og allir hagnist. Hjá Takk kemur ekki til greina að bjóða ólíkum markhópum ólíkt verð en til stendur að klæðskerasníða markaðsskilaboð.

„Segjum til dæmis að við verðum með viðburð um vörur fyrir konur með tíðahvörf í Bónus, þá verða kannski markaðsskilaboð sem sérstaklega þessi hópur er minntur á. “ Arnhildur Hálfdánardóttir prófaði Takk-appið og ræddi við Sesselíu í hlaðvarpsþættinum: Þetta nútímalíf. Í þættinum er fjallað um persónulega verðlagningu og klæðskerasniðin markaðsskilaboð sem sífellt færast í aukana. Hver græðir og hver tapar? Auk Sesselíu er rætt við Valdimar Sigurðsson, forstöðumann Rannsóknarseturs HR í markaðsfræði og neytendasálfræði og Þórarin…