Ragnheiður Harpa hlýtur Bókmenntaverðlaun Tómasar Guðmundssonar

Ragnheiður Harpa Leifsdóttir tók í dag við Bókmenntaverðlaunum Tómasar Guðmundssonar fyrir ljóðabókina Deig. Verðlaunin eru veitt ár hvert í minningu Tómasar Guðmundssonar fyrir óútgefið handrit að ljóðabók. Verðlaunaafhending fer að venju fram í Höfða. Þriggja manna dómnefnd velur verðlaunahafann úr innsendum handritum og Reykjavík bókmenntaborg UNESCO hefur umsjón með verðlaununum. Ljóðrænt og skynrænt ferðalag Í umsögn dómnefndar segir meðal annars: „Deig […

] er ljóðabók sem fjallar um hráefni lífsins, fegurðina í hinu hversdagslega og ferðalagið sem við göngumst undir frá vöggu til grafar. [… ] Rauði þráðurinn í gegnum verkið eru fjölskyldubönd og þá sérstaklega móðurhlutverkið sem deigið í titli bókarinnar verður að eins konar myndlíkingu fyrir. Í Deig er lesandanum ekki aðeins boðið upp í ljóðrænt ferðalag, heldur einnig skynrænt, þar sem blóðappelsínur, hvítlaukur og kóríander verða að hráefnum í margra rétta, bragðmikilli veislu…