PISA-kanningin: Eiga at taka ávaringar í álvara

Vánaligu úrslitini í lesing í nýggju PISA-kanningini koma ikki óvart á Lydiu Didriksen, fyrrverandi fólkaskúlalærara, sum eisini í nógv ár var fastur undirvísari í føroyskum á Fróðskaparsetrinum. Hon var í Breddanum fyrrapartin Lydia Didriksen tekur undir við, at tey ungu ikki bara skulu metast eftir teirra førleikum at lesa og rokna og øðrum, sum tað ber til at máta og seta tal á. Men tað merkir ikki, at ávaringar ikki skulu takast í álvara. Í Breddanum var eisini samrøða við tríggjar skúlanæmingar, sum sjálvir ásannaðu, at PISA-úrslitið er ræðandi, og at enska málið er vorðið alt ov ráðandi millum tey ungu.

Lydia Didriksen tekur undir við, at enska málið er stóri syndarin, tí tað hava nógvar kanningar eisini víst.. Skulu tey ungu læra seg góðan føroyskan málburð, so er skúlin ikki tað fyrsta, sum rennur næmingunum í hug. Soleiðis var tað eisini fyrr, tá tað var meira vanligt, at fólk prátaðu saman um alt, sum fyrifórst og var í gerandisdegnum, vísti Lydia Didriksen á. Men alt var ikki verri í skúlanum fyrr, heldur hon. Millum annað bleiv dentur lagdur á at læra børnini at lurta og síðan endurgeva tað, tey høvdu hoyrt. Hoyr innslag: 10092026_Kalsoyggin Allur Breddin kann hoyrast her. Undirheiti: Alt var ikki verri…