NSÍ tekur avgerðina hjá FSF til eftirtektar

- Vit taka avgerðina hjá Fótbóltssambandinum til eftirtektar. Tað sigur Karsten Joensen, formaður í NSÍ, nú fótbóltsfelagið ikki fekk viðhald í klagu síni um hendingina í dystinum móti AB við Løkin næstseinasta vikuskifti, har liðskiparin, Petur Knudsen, varð vístur av vølli. Petur Knudsen fekk seinna gula kortið fyri sjónleik, og varð vístur av vølli: 11092026_Nsi_1 Karsten Joensen, NSÍ Karsten Joensen er formaður í NSÍ.

(Mynd: Hjalmar Johan Juul) - Vit hava ikki heimild til at koyra klagur um avgerðir hjá dómarum um gul kort víðari í skipanini hjá okkum. Tað sigur aðalskrivarin í Fótbóltssambandinum, Kristin Dam Ziska: 11092026_NSI_2 NSÍ heitti í klaguni á FSF um at viðgera málið um seinna gula kortið sum skundmál, tí Petur Knudsen er leikbannaður í dystinum ímóti Víkingi nú sunnudagin. Avgerðin hjá FSF kemur tí illa við hjá NSÍ, sigur formaðurin: 11092026_NSI_3 Dysturin millum NSÍ og Víking verður sunnudagin kl. 17. 15 NSÍ er á odda í meistaradeildini við 44 stigum. KÍ hevur 41 stig, og HB er á triðja plássi við 37 stigum.…