Losun gróðurhúsalofttegunda meiri á Íslandi en í öðrum Evrópulöndum

Það er töluvert langt í land þegar kemur að losun gróðurhúsalofttegunda á mann á Íslandi borið saman við önnur lönd í Evrópu. Þörf er á samstilltu átaki og draga verður úr notkun olíu hér á landi. Þetta kom fram á loftslagsdeginum í dag sem er fyrsti vottaði svansviðburðurinn sem haldinn er hér. Losun frá landbúnaði meiri á Íslandi en í löndum ESB Fjölmenni sat árlegan loftslagsdag í Hörpu í dag þar sem þemað var loftslagsbreytingar og öryggi. Fjallað var um loftslagsbreytingar frá ólíkum sjónarhornum og stöðu losunarbókhalds. Í ljós kemur að losun hér á landi, til dæmis frá landbúnaði, landnotkun og fiskiskipum, er miklu meiri en í löndum ESB. Birgir Urbancic Ásgeirsson, sérfræðingur hjá Umhverfis- og orkustofnun, segir stöðuna hér á landi ekki góða.

„Hún er kannski tvíþætt, ef við berum okkur saman við ríki á meginlandi Evrópu þá er losun gróðurhúsalofttegunda á mann hér töluvert meiri og líka ef við skoðum innlend markmið þá er ennþá með allavega sum þeirra töluvert langt í land að við munum ná þeim. “ Sumt gangi hins vegar vel og losun hafi ekki aukist í samræmi við stækkun hagkerfisins. En á heildina sé enn langt í land. „Það gerist ekki nema með samstilltu átaki, við þurfum að draga úr notkun olíu hér innan lands og það er ekki bara umhverfismál, það er öryggismál,“ segir Birgir. Losun gróðurhúsalofttegunda er töluvert meiri á Íslandi samanborið við önnur lönd í Evrópu, segir sérfræðingur hjá Umhverfis- og orkustofnun. Draga þurfi úr notkun olíu hér á landi. Það sé ekki bara umhverfismál heldur einnig öryggismál. Fyrsti svansvottaði viðburðurinn hér á landi Þá var fjallað um orkuöryggi í óvissum heimi sem er háð alþjóðlegum samningum, mörkuðum, flutningi og viðskiptavinum. „Ég tel að við þekkjum stöðuna og við erum forvitin um hvernig hún gæti orðið og…