Landsstýriskvinnan: Raðfesta onnur øki enn serlæknapuljuna

Tað hevur vakt ans, at eingin peningur er settur av á fíggjarlógini næsta ár til serlæknapuljuna í Sjúkrahúsverkinum. Læknafelagið hevur rópt varskó, og hevur víst á, at serlæknapuljan hevur síðani 2017 verið við til at fíggja 19,5 serlæknastørv. Og tørvur er framvegis á serlæknum. Í frágreiðingini “Tørvurin á serlæknum í føroyska heilsuverkinum”, sum Heilsumálaráðið gav út í 2024, var mælt til at økja talið av normeraðum serlæknastørvum í Sjúkrahúsverkinum úr 68 upp í 121. Ragnar Djurhuus Hammer Ragnar Djurhuus Hammer. Játtanin í fjør var slakar fýra milliónir, men næsta ár verður hon flutt til vanliga raksturin at fíggja longu sett størv.

Hoyr innslag í útvarpstíðindunum, har samrøða eisini er við Ragnar Djurhuus Hammer, formann í Læknafelagnum: 06102026_Ragnar_og_Laeknafelagid Eyðdis Hartmann Niclasen, landsstýriskvinna í heilsumálum, sigur, at hon hevur avgjørt at raðfesta onnur øki enn serlæknapuljuna næsta ár. Talan er m. a. um akutta tilbúgving í sambandi við barnsburðar- og narkosu, peningur er settur av til krabbameinsøkið og royndarverkætlan í Suðuroy um endurvenjing, og peningur er eisini settur av til berarakanningar. Eyðdis Hartmann Niclasen, mynd: Bjarni Frítekst tagging: Eyðdis Hartmann Niclasen mynd: Bjarni Árting Rubeksen Eyðdis Hartmann Niclasen. (Mynd: Bjarni Árting Rubeksen) Landsstýriskvinnan sigur, at verður peningur tøkur, verður hann settur av til serlæknapuljuna. Hoyr samrøðu við Eyðdis Hartmann Niclasen, sum var gestur í útvarpsstovuni: 06102026_Eyddis Serlæknapuljan er ein serstøk játtan á fíggjarlógini. Hon kann brúkast til at seta serlæknar í starv í eini knappari vending uttan at skula finna fígging ella eykajáttan. Serlæknapuljan hevur síðani 2017 verið við til at fíggja 19,5 serlæknastørv. Eitt nú hjartalækna, lungnamedisinara, ortoped og…