Kosið í Svíþjóð á sunnudag - mjótt á munum og stefnir í langa ríkisstjórnarmyndun

Óvænt spenna hefur færst í kosningarnar í Svíþjóð sem fara fram á sunnudag. Hægri blokkin sem hefur verið við völd síðustu fjögur ár hefur verið langt á eftir þeirri vinstri í könnunum, en það er nú að breytast. Í kosningunum árið 2022 bar hægri blokkin nauman sigur úr býtum, fékk 176 þingmenn á meðan rauðgræna blokkin fékk 173 þingmenn. Ulf Kristersson leiðtogi Moderaterna, varð forsætisráðherra í minnihlutastjórn með Kristilegum demókrötum og Frjálslynda flokknum. Svíþjóðardemókratar, sem voru með harða innflytjendastefnum og miklar umbætur gegn skipulagðri glæpastarfsemi, vörðu ríkisstjórnina vantrausti. Stóru málin í kosningunum voru aðgerðir gegn glæpastarfsemi og innflytjendamál, auk þess sem orkumál og loftslagsmál var töluvert á góma. Gunnhildur Lily Magnúsdóttir dósent í stjórnmálafræði við háskólann í Malmö segir að stærstu málin síðast hafi færst töluvert neðar á listann núna.

Þingkosningar fara fram í Svíþjóð á sunnudag. Fyrir nokkrum viku voru allar líkur á valdaskiptum í landinu eftir kosningarnar, en nú er mun tvísýnna hvernig kosningarnar fara. „Áherslan núna hjá kjósendum virðist vera meiri á þessi hefðbundnu velferðarmál - heilbrigðiskerfið, menntamál, efnahagsmál og skattalækkanir- og hækkanir. Lög og regla eru ennþá tiltölulega ofarlega á lista en alls ekki eins mikið og fyrir fjórum árum. Umhverfismál hafa færst ofar á listann. Það sem kannski kemur mér á óvart er að varnarmál eru ekki jafn ofarlega á lista og maður gæti haldið,“ Það stefnir í góða kosningaþátttöku. Tölur sem voru birtar í byrjun vikunnar gáfu til kynna að rúmar tvær milljónir manna höfðu kosið utan kjörfundar, sem er 25% aukning frá kosningunum árið 2022. Kjörsókn í þeim kosningum var rúmlega 84%. Fyrir nokkrum vikum var fátt sem benti til annars en að rauða blokkin myndi vinna…