Ísland vann aftur 3-0

Ísland og Búlgaría mættust á Laugardalsvelli í dag í þriðju umferð C-deildar Þjóðadeildar Evrópu í fótbolta. Ísland vann 3-0. Ísland var fyrir leikinn á toppi riðilsins með fjögur stig eftir 3-0 útisigur á Lúxemborg og 1-1 jafntefli gegn Eistlandi. Landsliðsþjálfarinn Arnar Gunnlaugsson gerði sex breytingar á byrjunarliði Íslands frá sigrinum í Lúxemborg á þriðjudag. Aron Einar Gunnarsson, Hörður Björgvin Magnússon, Andri Fannar Baldursson, Mikael Neville Anderson, Jón Dagur Þorsteinsson og Arnór Sigurðsson komu inn í byrjunarliðið. Úr byrjunarliðinu fóru þeir Logi Tómasson vegna veikinda, Gylfi Þór Sigurðsson, Andri Lucas Guðjohnsen, Stefán Teitur Þórðarson, Daníel Leó Grétarsson og Guðlaugur Victor Pálsson. Þónokkur vindur var á Laugardalsvelli og hafði hann áhrif á sendingar sem margar voru ónákvæmar. Íslenska liðið stýrði leiknum í fyrri hálfleik en átti í vandræðum með að skapa sér færi.

Jón Dagur Þorsteinsson átti fyrsta hættulega færi Íslands á 20. mínútu en Búlgarar björguðu í horn. Sex mínútum síðar fengu Búlgarar dauðafæri en Atanas Iliev skaut yfir markið. Ísinn var loks brotinn á 37. mínútu þegar íslenska liðið náði að opna búlgörsku vörnina. Hákon Arnar átti stungusendingu inn í vítateiginn á Ísak Bergmann sem gerði stórkostlega með því að láta boltann fara og taka með sér varnarmann. Þessi staða skildi Orra Stein Óskarsson eftir óvaldaðan og hann afgreiddi boltann laglega í fjærhornið og kom Íslandi yfir, 1-0 sem var staðan í hálfleik. Orri Steinn skoraði einnig annað mark Íslands og aftur átti Hákon Arnar stóran þátt í því. Á 60. mínútu renndi hann boltanum á Mikael Neville Anderson, hann gaf fyrir á Orra Stein sem kláraði færið af öryggi, 2-0 . Ísand fékk svo vítaspyrnu á 81. mínútu þegar Atanas Iliev sló boltann eftir aukaspyrnu. Orri Steinn steig á…