Hallur Hansson gevst at spæla fótbólt

Fyrrverandi landsliðsliðskiparin Hallur Hansson gevst at spæla fótbólt. Orsøkin er, at KÍ-miðvallarin hevur drigist við umfatandi skaðar í longri tíð, og tí hevur hann tikið eina avgerð, sum hann "hevur verið noyddur at taka", skrivar heimasíðan hjá KÍ. - Eftir stóra skaðan í 2022, havi eg verið merktur av afturvendandi avbjóðingum við knænum og eftir skurðviðgerðir, sproytir og pínustillandi, er gerandisdagurin nú merktur av konstantari pínu, sigur Hallur Hansson við ki. fo.

Hallur Hansson fekk álvarsama knæskaðan í dysti fyri KR í Íslandi, og beint fyri landsdyst í Litava varð staðfest, at miðvallarstríðsmaðurin í minsta lagi mátti sita uttanfyri í eitt ár. SÍ EISINI: - Eg var í knúsi Fyri fýra árum síðan kom Hallur Hansson aftur úr Íslandi til KÍ, og er skrásettur fyri at hava spælt 80 dystir fyri felagið í Klaksvík. Lítil ivi er kortini um, at skaðin hevur gjørt, at hann ongantíð veruliga kom upp í fulla ferð í kongabláum. - Fólkini rundan um meg eiga nógv rós uppiborðið. Ikki hevur tað altíð verið lætt, sigur Hallur Hansson og takkar samstundis KÍ fyri tíðina. - Eitt framúr felag, sum bert hevur tað besta uppiborið. Hallur Hansson spældi 76 landsdystir fyri Føroyar og…