Forsendur fyrir skólahaldi og fasteignakaupum í Grindavík

Fyrstu niðurstöður nýs áhættumats fyrir Grindavík hafa verið birtar. Miðað við þær eru forsendur fyrir varanlegri búsetu og skólahaldi í Grindavík ásættanlegar að því gefnu að gerðar séu nauðsynlegar öryggisráðstafanir. Forsætisráðuneytið og Grindavíkurbær boða til opins fundar í Gjánni í Grindavík klukkan átta í kvöld þar sem niðurstöðurnar verða kynntar íbúum.

Í tilkynningu frá stjórnarráðinu segir að niðurstöðurnar skapi grundvöll fyrir næstu skref við endurreisn Grindavíkur, meðal annars með því að hefja undirbúning að því að bjóða Grindvíkingum að kaupa aftur íbúðarhúsnæði í bænum. Sambærilegt öðrum byggðarlögum sem búa við náttúruvá Í apríl var það mat Grindavíkurnefndar að ekki væru forsendur til að hefja skólahald að nýju í Grindavík. Það mat féll aftur á móti ekki í góðan jarðveg á meðal Grindvíkinga og ákvað bæjarstjórnin að hefja samt skólastarf í bænum eftir rúmlega þriggja ára hlé. Síðan þá hefur nýtt áhættumat verið unnið af hópi sérfræðinga, stjórnvöldum og fulltrúum Grindvíkinga. Samkvæmt því eru aðstæður í Grindavík sambærilegar við aðra bæi sem búa við…