Formaðurin í Fólkaskúlaráðnum: Vit mugu øll taka í egnan barm

Nýggja PISA-kanningin vísir, at føroyskir næmingar duga alsamt verri at lesa. Føroyskir næmingar fáa í miðal 428 PISA-stig í lesing. Tað eru 19 stig færri enn í 2022, og 42 prosent av næmingunum eru nú undir markinum fyri virkisført lesføri. Úrslitið kemur tó ikki óvart á Jónleif Johannesen, formann í Fólkaskúlaráðnum. – Nú mugu vit øll taka í egnan barm. Bæði næmingar, lærarar, foreldur og alt samfelagið sum heild. Og vit mugu eisini hava størri virðing fyri fólkaskúlanum, sigur hann.

Serliga illa stendur til hjá dreingjunum. Genturnar fáa í miðal 449 PISA-stig í lesing, meðan dreingirnir fáa 407. Munurin millum kynini hevur ongantíð verið størri, síðan Føroyar komu við í PISA í 2006. Jónleif Johannesen heldur, at skal gongdin vendast, so krevur tað broytingar – ikki bara í fólkaskúlanum, men eisini í hugburðinum hjá okkum øllum til skúlan. – Vit mugu øll taka okkara part av ábyrgdini, sigur formaðurin í Fólkaskúlaráðnum. Publish (dagfesting): Fríggjadag, September 11, 2026 - 19:35 Mynd: Media:…