Eingin játtan til serlæknapulju - Læknafelagið rópar varskó

Lækafelagið rópar varskó, nú ætlanin er at strika serlæknapuljuna á fíggjarlógini næsta ár. Felagið sigur, at serlæknapuljan hevur síðani 2017 verið við til at fíggja 19,5 serlæknastørv, men næsta ár verður eingin peningur játtaður. Ein arbeiðsbólkur hjá Heilsumálaráðnum í 2024 mælti til, at serlæknapuljan skuldi halda fram, og at játtanin kundi hækkast, tí skipanin hevði virkað væl. Tørvur á serlæknum Tað hevur leingi verið ein avbjóðing at fáa nóg mikið av serlæknum til Føroya.

Samstundis veksur talið av eldri borgarum, og tørvurin á kanningum og viðgerð veksur. Tí veksur tørvurin á serlæknum, sigur Læknafelagið. Í frágreiðingini “Tørvurin á serlæknum í føroyska heilsuverkinum”, sum Heilsumálaráðið gav út í 2024, var mælt til at økja talið av normeraðum serlæknastørvum í Sjúkrahúsverkinum úr 68 upp í 121. Játtanin í fjør var slakar fýra milliónir, men næsta ár verður hon flutt til vanliga raksturin at fíggja longu sett størv. Men eingin nýggj játtan kemur í puljuna til fleiri serlæknastørv í 2027,…