BRICS hvetur til stillingar í Miðausturlöndum

Leiðtogar BRICS-ríkjanna, þar á meðal Kína, Indlands og Rússlands, kölluðu eftir stillingu í Miðausturlöndum á fundi sínum sem lauk í morgun. Íranar og Sameinuðu arabísku furstadæmin studdu líka ályktunina sem beinist að Bandaríkjunum. Hvað er BRICS? BRICS er bandalag sem var stofnað árið 2009 til að auka áhrif ríkja þess í alþjóðastofnunum á kostnað vestrænna þjóða. Upphaflega voru Brasilía, Rússland, Indland, Kína og Suður-Afríka í bandalaginu en síðan hafa Egyptaland, Eþíópía, Indónesía, Íran og Sameinuðu arabísku furstadæmin bæst við. Rússar og Kínverjar hafa einkum viljað nýta þetta bandalag til að minnka áhrif Vesturlanda í heiminum, meðan Indland hefur frekar viljað brúa bil þar á milli.

Leiðtogar ríkjanna héldu fund á Indlandi um helgina þar sem meðal annars var rætt um aukið samstarf BRICS-ríkjanna. Narendra Modi forsætisráðherra Indlands sagði meðal annars á fundinum að ríkin hefðu reynt að stuðla að auknum hagvexti heimsins. Modi og Vladimír Pútín forseti Rússlands ræddu þar saman um að styrkja tengslin milli landanna. Ályktun beint að Bandaríkjunum Á þessum fundi tókst það sem ekki tókst á fundi utanríkisráðherra ríkjanna í maí - að ná saman um ályktun um stríðið í Miðausturlöndum. Fyrri dagurinn fór í miklar umræður og úr því kom ályktun þar sem miklum áhyggjum var lýst af áframhaldandi stigmöngnun í Miðausturlöndum og Vestur-Asíu. Farið var fram á að stríðandi fylkingar héldu að sér höndum eins og kostur væri og forðuðust aðgerðir sem gætu kynnt undir…