Björgunarsveitir aðstoða á Hvolsvelli og Hellu

RÚV / Magnús Hlynur Hreiðarsson Björgunarsveitir á Suðurlandi hafa sinnt nokkrum fjölda útkalla vegna fjúkandi lausamuna á Hvolsvelli og Hellu.

Jón Þór Víglundsson, upplýsingafulltrúi Landsbjargar, segir það hafa verið nokkuð hefðbundin fokverkefni; þakplötur, trampólín, gróðurhús og ferðahýsi. Á annan tug manns hafa sinnt útköllunum. Gul viðvörun er á Suðurlandi og víðar vegna austan storms.